Ağcabədidə 19 bıçaq yarası alan uşaq xəstəxanaya yerləşdirilib

Ağcabədidə 19 bıçaq zərbəi ilə bıçaqlanan 7 yaşlı uşağın sağ döş qəfəsində kəskin ağrıları var. Bunu Anews.az-a açıqlamasında uşağın valideyni bildirib.

"Uşaq xəstəxanadadır. Sağ döş qəfəsində kəskin ağrıları var. Oğlumu bıçaqlayan uşağın ailəsini tanıyıram. Kəndçimiz olmasa, da ailəvi tanışıq. Əvvəl günahını boynuna alsa da, sonradan inkar edib. Azyaşlı olduğu üçün ona hec bir cəza verilməyəcək",- valideyn bildirib.

DİN-in Mətbuat Xidmətinin Bərdə regional qrupundan bildirilib ki, əməli törətməkdə şübhəli bilinən yetkinlik yaşına çatmayan 1 nəfər müəyyən edilib. Yetkinlik yaşına çatmadığı üçün hec bir cəza tədbiri görülməyəcək.

Hüquqşünas Xəyal Bəşirov bildirib ki, Azərbaycan qanunvericiliyinə görə 12 yaşdan aşağı uşaqlar hüquqi baxımdan heç bir cinayətə görə məsuliyyətə cəlb olunmur.

"Azərbaycanın Cinayət Məcəlləsinə əsasən, 12–14 yaşlı uşaqlar yalnız müəyyən hallarda və xüsusi qaydalar çərçivəsində məsuliyyətə cəlb edilə bilər. 14 yaşdan yuxarı uşaqlar isə tam məsuliyyət daşımaq imkanına malikdir, lakin onların cəzaları yetkin şəxslərlə müqayisədə yüngülləşdirilmiş olur",- o vurğulayıb.

Aytac Zeynalova