Əliyev Qambiya prezidentini Müstəqillik Günü münasibətilə təbrik edib

Azərbaycan Prezidenti İlham Əliyev qambiyalı həmkarı Adama Barrouya Qambiya Respublikasının milli bayramı – Müstəqillik Günü münasibətilə təbrik məktubu ünvanlayıb.

Təbrikdə Azərbaycan ilə Qambiya arasında sağlam təməllər üzərində qurulmuş münasibətlərin inkişafına böyük əhəmiyyət verildiyi vurğulanıb. Qeyd olunub ki, ölkələrin Birləşmiş Millətlər Təşkilatı, İslam Əməkdaşlıq Təşkilatı, Qoşulmama Hərəkatı və digər beynəlxalq platformalar çərçivəsində səmərəli əməkdaşlığı xüsusi əhəmiyyət daşıyır.

Məktubda dostluq əlaqələrinin möhkəmləndirilməsi, ikitərəfli və çoxtərəfli əməkdaşlığın genişləndirilməsi istiqamətində birgə səylərin davam etdiriləcəyinə inam ifadə olunub.

Prezident İlham Əliyev həmçinin müqəddəs Ramazan ayının başlaması münasibətilə təbriklərini çatdıraraq, Adama Barrouya möhkəm cansağlığı və uğurlar, Qambiya xalqına isə əmin-amanlıq və firavanlıq arzulayıb.