Azərbaycan nefti bahalaşıb

Dünya bazarında “Azeri Light” markalı Azərbaycan neftinin qiyməti 1,11 ABŞ dolları və ya 1,54% artaraq 73,31 ABŞ dollarına yüksəlib.

Hərracların nəticələrinə görə, “Brent” markalı neftin aprel fyuçersləri 72,77 ABŞ dolları səviyyəsində formalaşıb.

Türkiyənin Ceyhan limanında FOB bazasında “Azeri Light” neftinin bir barelinin qiyməti isə 1,12 dollar (1,61%) artaraq 70,67 dollara çatıb.

Azərbaycanın 2026-cı il dövlət büdcəsində bir barel neftin orta qiyməti 65 ABŞ dolları səviyyəsində nəzərdə tutulub.

Məlumata görə, “Azeri Light” neftinin tarixi minimum qiyməti 2020-ci il aprelin 21-də 15,81 dollar, maksimum qiyməti isə 2008-ci ilin iyulunda 149,66 dollar olub. Neft Azəri-Çıraq-Günəşli yataqlar bloku üzrə hasil edilir və layihədə Azərbaycan Dövlət Neft Şirkəti (SOCAR)nin payı 31,65% təşkil edir.