Formula-1 ilə əlaqədar Bakıda polis gücləndirilmiş iş rejiminə keçib

Bakıda keçirilən “Formula-1 Qatar Airways Azərbaycan Qran Pri” ilə əlaqədar sentyabrın 23-dən 26-dək polis əməkdaşları gücləndirilmiş iş rejimində xidmət aparır.

Bu barədə Daxili İşlər Nazirliyinin Mətbuat Xidmətinin müraciətində bildirilib.

Məqsəd nəqliyyatın fasiləsiz hərəkətini, sürücü və piyadaların təhlükəsizliyini, həmçinin yarış ərazisi və fan-zonalarda asayişi təmin etməkdir.

Nazirlik sürücülərə və paytaxt sakinlərinə məhdudiyyətlər qüvvədə olduğu müddətdə ictimai nəqliyyata üstünlük verməyi, polisin nizamlayıcı işarələrinə əməl etməyi və səfərlərini bağlı küçə və prospektlərə alternativ marşrutlarla planlaşdırmağı tövsiyə edib.