Baş nazir iclas keçirib - bır sıra tapşırıqlar verib

Azərbaycan Respublikasının Baş naziri və Azərbaycan İnvestisiya Holdinqi (AİH) Müşahidə Şurasının sədri Əli Əsədov 10 mart tarixində iclas keçirib.

İclasın gündəliyinə Holdinqin idarəetməsində olan Portfel Şirkətlərin 2025-ci ilin yekunları üzrə Fəaliyyət Hesabatı, əsas fəaliyyət göstəriciləri və maliyyə nəticələri, o cümlədən ümumi gəlir və EBİTDA göstəriciləri, “Azərpambıq Aqrar Sənaye Kompleksi” MMC-nin inkişaf perspektivlərinə ümumi baxış və dövlət maliyyəsinin səmərəli idarə olunması ilə bağlı yeni normativ-hüquqi aktların AİH portfel şirkətlərinə tətbiqi kimi məsələlər daxil olub.

İclasda AİH-in Baş icraçı direktoru Ruslan Əlixanov təqdimatla çıxış edib. Müşahidə Şurasının üzvləri, AİH İdarə Heyətinin sədri və Kənd Təsərrüfatı naziri Məcnun Məmmədov iclasa qatılaraq müvafiq məsələlərə dair fikirlərini bölüşüblər.

İclasın yekununda gündəlikdə olan məsələlər üzrə qərarlar qəbul olunub və Holdinqin İdarə Heyətinə müvafiq tapşırıqlar verilib.