Azərbaycan və Səudiyyə Ərəbistanının XİN başçıları arasında telefon danışığı olub

Səudiyyə Ərəbistanının xarici işlər naziri şahzadə Feysəl bin Fərhan Əl Səud Azərbaycan xarici işlər naziri Ceyhun Bayramovla telefon danışığı aparıb. Bu barədə Azərbaycan Xarici İşlər Nazirliyi məlumat yayıb.

Telefon danışığı zamanı nazirlər Yaxın Şərqdə mövcud təhlükəsizlik vəziyyətini müzakirə ediblər. Tərəflər bölgədə gərginliyin artmasından narahatlıq ifadə edərək, vəziyyətin daha da eskalasiyasının qarşısının alınmasının vacibliyini vurğulayıblar.

Nazirlər region ölkələrinin suverenliyi və ərazi bütövlüyünə hörmət edilməsinin, eləcə də qonşu dövlətlərin hədəf alınmamasının vacibliyini qeyd ediblər.

Görüş zamanı Azərbaycan ilə Səudiyyə Ərəbistanı arasında əməkdaşlığın mövcud vəziyyəti və inkişaf perspektivləri, həmçinin regional və beynəlxalq gündəlikdə duran digər məsələlər ətrafında fikir mübadiləsi aparılıb.