Azərbaycan və Özbəkistan prezidentləri regiondakı gərginliyi müzakirə ediblər

Azərbaycan Prezidenti İlham Əliyev və Özbəkistan Prezidenti Şavkat Mirziyoyev arasında bu gün telefon danışığı olub. Bu barədə Prezidentin Mətbuat Xidməti məlumat yayıb.

Danışıqlar zamanı Mirziyoyev İlham Əliyevi və Azərbaycan xalqını qarşıdan gələn Ramazan və Novruz bayramları münasibətilə təbrik edib. Əliyev öz növbəsində Özbəkistan prezidentini və xalqını bayramlar münasibətilə təbrik edib, ölkəyə firavanlıq və rifah arzulayıb.

Telefon söhbəti zamanı tərəflər Azərbaycan-Özbəkistan strateji müttəfiqlik münasibətləri və əlaqələrin bütün sahələrdə inkişafı məsələlərini müzakirə ediblər. Həmçinin Yaxın Şərqdəki gərginlik müzakirə olunub və məsələlərin siyasi-diplomatik yollarla həllinin vacibliyi vurğulanıb.

Danışıq çərçivəsində tərəflər qarşılıqlı maraq doğuran digər məsələlər və gələcək təmaslar barədə də fikir mübadiləsi aparıblar.