Şuşada “Xarıbülbül” Beynəlxalq Musiqi Festivalı başlayır

Şuşada mayın 14-də Heydər Əliyev Fondu və Azərbaycan Mədəniyyət Nazirliyinin təşkilatçılığı ilə “Xarıbülbül” IX Beynəlxalq Musiqi Festivalı keçiriləcək.

Festivalın açılışı Cıdır düzündə “Mənim Azərbaycanım” rəqs kompozisiyası və bəstəkar Cahangir Cahangirovun “Cənnətim Qarabağ” əsərinin təqdimatı ilə başlayacaq.

Festivalda Azərbaycanla yanaşı ABŞ, Qazaxıstan, Özbəkistan, Türkmənistan, Türkiyə və Yaponiyadan musiqi kollektivləri və solo ifaçılar iştirak edəcəklər. Proqram çərçivəsində həm tanınmış sənətçilər, həm də gənc musiqiçilər səhnəyə çıxacaqlar.

Festival mayın 15-dək davam edəcək.