Azərbaycan və Özbəkistan HHQ nümayəndələri arasında görüş keçirilib

Azərbaycan və Özbəkistan müdafiə nazirlikləri arasında 2026-cı il üçün imzalanmış ikitərəfli əməkdaşlıq planına əsasən, Özbəkistan Müdafiə Nazirliyinin Hərbi Hava Qüvvələrinin nümayəndə heyəti Azərbaycana səfər edib.Bu barədə Azərbaycan Müdafiə Nazirliyi məlumat yayıb. 

Hərbi Hava Qüvvələrində keçirilən görüşdə hərbi aviasiya və hava hücumundan müdafiə sahəsində əməkdaşlığın genişləndirilməsinin əhəmiyyəti vurğulanıb.

Tərəflər Azərbaycan-Özbəkistan hərbi əməkdaşlığının mövcud vəziyyəti və qarşılıqlı maraq doğuran digər məsələlər ətrafında fikir mübadiləsi aparıblar.

Nazirlik bildirib ki, səfərin əsas məqsədi iki ölkənin Hərbi Hava Qüvvələri arasında əməkdaşlığın inkişafı və qarşılıqlı təcrübə mübadiləsinin aparılmasıdır.