Deputat -Bu günədək Türk dünyasında birgə magistr və ya bakalavr proqramı yaradılmayıb

Türk dövlətləri arasında birgə bakalavr və magistr proqramları yaradılmalı, tələbə mübadiləsi genişləndirilməlidir. Bunu Milli Məclisin deputatı, ADA Universitetinin prorektoru Fariz İsmayılzadə bazar ertəsi Bakıda bildirib.

“Bu günədək Türk dünyasında birgə magistr və ya bakalavr proqramı yaradılmayıb, mübadilə proqramları isə kifayət qədər zəif inkişaf edib”, – İsmayılzadə “Türk Dünyası Dialoqları: Ortaq Gələcək, Ortaq Vizyon” panelində deyib.

Onun sözlərinə görə, türk dövlətləri təhsil, tədqiqat və innovasiya sahələrində əməkdaşlığı genişləndirməklə Türk dünyasının inteqrasiyasına əhəmiyyətli töhfə verə bilər.

Gülnar Nazimqızı