Paşa Bank nəqliyyat sektoru kredit portfelində ən yüksək artım nümayiş etdirib

Paşabankın kredit portfelində ötən il ən yüksək artım nəqliyyat sektorunda qeydə alınıb və bu istiqamətdə artım 122%-i ötüb. Bunu Bankın İdarə Heyətinin sədri, Baş İcraçı Direktoru Cavid Quliyev deyib.

Onun sözlərinə görə, bankın korporativ bankçılıq sahəsində, yəni iri, orta və kiçik biznes üzrə bazar payı 19,15% təşkil edir və son bir neçə il ərzində bu göstərici sabit şəkildə 19-20% intervalında qorunub saxlanılır.

Cavid Quliyev bildirib ki, kredit portfelində sektorlar üzrə ən böyük artım nəqliyyat sahəsində müşahidə olunub.

Onun sözlərinə görə, bu artımda Azərbaycanın beynəlxalq təşəbbüslərdə iştirakının və ölkənin Çinlə Avropa arasında mühüm tranzit əlaqələrindən istifadəsinin rolu böyük olub.

“Bu istiqamətdə müştərilərimiz tərəfindən ciddi maraq müşahidə etmişik.qeyd edib. kənd təsərrüfatı sektorunda da müştəri bazası üzrə müsbət dinamika qeydə alınıb və bu sahədə təxminən 25%-ə yaxın artım müşahidə olunub. Meyvəçilik, tərəvəzçilik və fındıqçılıq daxil olmaqla müxtəlif kənd təsərrüfatı istiqamətləri üzrə həm daxili bazara, həm də ixrac əməliyyatlarına yönələn kreditlər verilib",- o vurğulayıb.

Cavid Quliyev qeyd edib ki, xidmət sektorunda artım tempi digər sahələrlə müqayisədə daha aşağı olsa da, burada da müsbət dinamika qorunub və artım 5,4% səviyyəsində formalaşıb.

Aytac