Azərbaycanın İrandakı səfirliyi vətəndaşlara müraciət edib

Azərbaycanın İrandakı səfirliyi aviareyslərin ləğvi səbəbindən ölkəyə qayıda bilməyən vətəndaşlara müraciət edib.Bu barədə səfirlik "X" sosial şəbəkə hesabında məlumat yayıb.

Səfirlik bildirib ki, İrandan Azərbaycana uçuşlar ləğv edildiyi üçün aviabilet almış, lakin reyslərin dayandırılması səbəbindən qayıda bilməyən Azərbaycan vətəndaşlarının quru yolu ilə ölkəyə qayıtmasına köməklik göstəriləcək.

Vətəndaşlardan bu məqsədlə Azərbaycanın İrandakı səfirliyinə və ya Təbriz şəhərindəki Baş Konsulluğuna müraciət etmələri xahiş olunub.

İran aviaşirkətlərindən Azərbaycana bilet alan vətəndaşlara isə biletlərin qaytarılması üçün həmin aviaşirkətlərin satış məntəqələrinə müraciət etmələri tövsiyə edilib.

Səfirliyin qaynar xətt nömrələri: +98 901 884 55 31, +98 905 523 01 07, +98 21 2259 6303.

Təbrizdəki Baş Konsulluğun qaynar xətt nömrələri: +98 914 472 14 10, +98 41 3333 4802.

İran aviaşirkətlərinin Azərbaycana həyata keçirdiyi uçuşlar müvəqqəti dayandırılıb.