Cavid Quliyev: Süni intellekt müştəri sorğularına cavab müddətini əhəmiyyətli dərəcədə azaldıb

Paşabankda tətbiq edilən süni intellekt həlləri müştəri sorğularının emalını sürətləndirərək xidmət keyfiyyətinin artırılmasına imkan yaradıb. Bunu Bankın İdarə Heyətinin sədri, Baş İcraçı Direktoru Cavid Quliyev deyib.

Onun sözlərinə görə, bankda tətbiq olunan süni intellekt əsaslı həllər çərçivəsində müştərilərdən daxil olan sorğular avtomatik şəkildə analiz edilir və bu proses cavab müddətinin əhəmiyyətli dərəcədə azalmasına səbəb olur.

Cavid Quliyev bildirib ki, süni intellektin tətbiqi bank üçün ayrıca strateji istiqamətlərdən biridir və gələcək dövrlərdə bu texnologiyanın istifadəsinin genişləndirilməsi nəzərdə tutulur.

Bank rəhbəri qeyd edib ki, əsas məqsəd müştəri təcrübəsini daha da yaxşılaşdırmaq və bank xidmətlərindən istifadə zamanı daha rahat və çevik xidmət göstərməkdir.

“Bizim əsas hədəfimiz müştərilərlə ünsiyyət və məhsullardan istifadə prosesini daha rahat və komfortlu etməkdir”, – o əlavə edib.

Aytac