“Qarabağ”ın tarixində görünməmiş rekord

Ağdamın “Qarabağ” klubu tarixinin rekorduna imza atıb.  

ANN.Az-ın PFL-in saytına istinadən verdiyi məlumata görə, Qurban Qurbanovun yetirmələri Topaz Premyer Liqasında ardıcıl 12-ci səfər matçında xal qazanıb. 

Zaqatalada “Simurq”la qolsuz heç-heçə edən ağdamlılar sonuncu dəfə məhz bu rəqibə uduzmuşdu. Bu il martın 12-də səfərdə “Simurq”a məğlub olan “Qarabağ” həmin vaxtdan rəqib meydanlarını xalsız tərk etmir. 

Son 12 səfər matçında 7 qələbə qazanan və 5 heç-heçə edən Qurbanovun yetirmələri 1993/94  mövsümündəki rekordunu arxada qoyub. Həmin vaxt “Qarabağ” ardıcıl 11 səfər oyununda uduzmamışdı.

12.03.2013

Simurq (Zaqatala) - Qarabağ (Ağdam) - 1:0

07.04.2013

Neftçi (Bakı) - Qarabağ (Ağdam) - 1:2

21.04.2013

Bakı - Qarabağ (Ağdam) - 0:1

28.04.2013

Qəbələ - Qarabağ (Ağdam) - 0:2

09.05.2013

İnter (Bakı) - Qarabağ (Ağdam) - 0:0

04.08.2013

İnter (Bakı) - Qarabağ (Ağdam) - 1:2

25.08.2013

Qəbələ - Qarabağ (Ağdam) - 0:1

13.09.2013

Rəvan (Bakı) - Qarabağ (Ağdam) - 1:1

28.09.2013

Neftçi (Bakı) - Qarabağ (Ağdam) - 0:0

20.10.2013

Sumqayıt - Qarabağ (Ağdam) - 0:3

27.10.2013

Xəzər Lənkəran - Qarabağ (Ağdam) - 0:3

09.11.2013

AZAL (Bakı) - Qarabağ (Ağdam) - 1:1

30.11.2013

Simurq (Zaqatala) - Qarabağ (Ağdam) - 0:0

Ümumilikdə isə Azərbaycan rekordu “Şəmkir”ə məxsusdur.  Qərblilər ardıcıl 23 səfər matçını məğlubiyyətsiz tərk edib. “Kəpəz”in 19, “İnter”in 15 məğlubiyyətsiz səfər oyunu var. “Qarabağ”ın rekordu isə bu siyahıda 8-ci yerdədir.

ANN.Az