Qazaxıstanda parlament seçkilərində hakim Adilet Partiyası böyük üstünlüklə qalib gəlib

Qazaxıstanda yeni birpalatalı parlamentə keçirilən seçkilərdə səslərin hesablanması başa çatıb və yeddi iştirakçı partiyadan beşi parlamentə keçmək üçün tələb olunan 5%-lik baryeri aşıb.

İlkin nəticələrə əsasən, hakim Adilet Partiyası 71,17% səslə seçkilərdə böyük üstünlüklə birinci olub. Awil 6,26%, Respublika 5,56%, Ak Jol 5,21%, Ümumxalq Sosial Demokrat Partiyası (APSDP) isə 5,11% səs toplayıb.

Seçkilərdə seçici fəallığı 74,08% təşkil edib.

Adilet Partiyası 2026-cı ilin mayında təsis edilib və iyunda dövlət qeydiyyatına alınıb. Daha sonra Qazaxıstanın ən nüfuzlu siyasi qüvvələrindən biri hesab olunan və 1999-cu ildə ölkənin ilk prezidenti Nursultan Nazarbayev tərəfindən yaradılan Amanat Partiyası ona qoşulub.

Amanat 2022-ci ilə qədər Nazarbayevin rəhbərlik etdiyi partiya olub. Daha sonra partiyaya hazırkı prezident Qasım-Jomart Tokayev rəhbərlik edib.

Partiya rəhbərliyi Adilet ilə birləşmənin əsas məqsədinin siyasi qüvvəni Nazarbayevin siyasi irsindən və “siyasi yükündən” ayırmaq olduğunu bildirib.

Gülnar Nazimqızı