İstanbulda avtobus qəzaya uğrayıb, ölən və yaralananlar var

Türkiyənin İstanbul vilayətində avtobusun qəzaya uğraması nəticəsində 1 nəfər ölüb, 17 nəfər yaralanıb.Bu barədə DHA məlumat yayıb.

Məlumata görə, sürücünün idarəetməni itirməsi nəticəsində avtobus yaşayış komplekslərindən birinin həyət divarına çırpılıb.

Qəza yerinə polis, yanğınsöndürən və təcili tibbi yardım briqadaları cəlb olunub. Yaralılar xəstəxanalara yerləşdirilib. Onlardan ikisinin vəziyyətinin ağır olduğu bildirilir.

Hadisə ilə bağlı araşdırma aparılır.