Vladimir Putin və Nikol Paşinyan Bişkekdə görüşəcək

Rusiya Prezidenti Vladimir Putin və Ermənistanın Baş naziri Nikol Paşinyan bu gün Bişkekdə Şanxay Əməkdaşlıq Təşkilatının (ŞƏT) sammiti çərçivəsində ikitərəfli danışıqlar aparacaqlar.

Qarşıdakı görüşü şərh edən Rusiyanın Baş nazirinin müavini Aleksey Overçuk Moskvanın danışıqlar ərəfəsində nikbin olduğunu və Ermənistanın hökumət başçısına uğurlar arzuladığını bildirib.

Daha əvvəl Rusiya Prezidentinin mətbuat katibi Dmitri Peskov liderlərin ikitərəfli münasibətləri və tərəflər arasındakı problemli məsələləri müzakirə edəcəyini açıqlamışdı. Əsas mövzulardan birinin Ermənistanın xarici siyasət kursu, Avropa İttifaqı ilə yaxınlaşması və ölkədaxili siyasi vəziyyət olacağı gözlənilir.

N.Təbrizli