ABŞ-nin F-16 qırıcısı Kemp-Devid yaxınlığında mülki təyyarəni ələ keçirib

ABŞ-nin F-16 qırıcısı Prezident Donald Trampın olduğu Kemp-Devid iqamətgahı yaxınlığında uçuş məhdudiyyəti tətbiq edilən əraziyə daxil olan mülki təyyarəni ələ keçirib.Bu barədə Şimali Amerikanın Birləşmiş Aerokosmik Müdafiə Komandanlığı (NORAD) məlumat yayıb.

Bildirilib ki, hadisə sentyabrın 19-da yerli vaxtla saat 07:50 radələrində Merilend ştatının Termont şəhəri üzərində baş verib.

NORAD-ın F-16 qırıcısı mülki təyyarənin pilotunun diqqətini cəlb etmək və onunla əlaqə yaratmaq üçün istilik tələləri buraxıb. Komandanlıq bildirib ki, tələlər qısa müddətdə tamamilə yanır və yerə təhlükə yaratmır.

Mülki təyyarə daha sonra NORAD təyyarəsi tərəfindən təhlükəsiz şəkildə məhdudlaşdırılmış ərazidən çıxarılıb.

Tramp sentyabrın 18-də Kemp-Devidə gəlib və həftəsonunu burada keçirməyi planlaşdırır.