Azərbaycanda iri buynuzlu mal-qaranın çəki artımının maya dəyəri 38,1% artıb

Azərbaycanda kənd təsərrüfatı müəssisələrində iri buynuzlu mal-qaranın hər sentner çəki artımının maya dəyəri 2025-ci ildə 38,1% artaraq 574,20 manata çatıb. Qoyun və keçilərdə bu göstərici 13,4% yüksəlib, quşçuluqda isə 15,3% azalıb. Bu barədə Dövlət Statistika Komitəsinin hesabatında bildirilib. 

Qoyun və keçilərdə hər sentner çəki artımının maya dəyəri 2024-cü ildəki 357,99 manatdan 2025-ci ildə 406,11 manata yüksəlib.

Quşçuluqda isə əks dinamika qeydə alınıb. Bu sahədə hər sentner çəki artımının maya dəyəri 495,47 manatdan 419,74 manata enib.

Donuzlar üzrə hər sentner çəki artımının maya dəyəri 2024-cü ildə 271,11 manat təşkil edib. 2025-ci il üçün isə müvafiq göstərici Dövlət Statistika Komitəsinin hesabatında qeyd edilməyib. 

Gülnar Nazimqızı