Kütləvi davadan sonra gizlənənləri DTX saxlayıb

Bakıda bir nəfərin ölümü ilə nəticələnən kütləvi dava üzrə aparılan araşdırmalar çərçivəsində yeni təfərrüatlar məlum olub.

​Qətli törətməkdə şübhəli bilinən "Sabunçu Emin" ləqəbli Emin Rəhimov və MMA idmançısı Elmar Cəfərov Dövlət Təhlükəsizliyi Xidmətinin (DTX) keçirdiyi əməliyyat-axtarış tədbirləri nəticəsində saxlanılıblar. Hər iki şəxs qəsdən adamöldürmədə ittiham olunur.

​Hadisə zamanı qətlə yetirilən şəxsin "Ceyhun Sabunçu" kimi tanınan Ceyhun olduğu, görüşün isə deputat Arzuxan Əlizadənin oğlu Əhməd tərəfindən təşkil edildiyi bildirilir.

​Ümumilikdə, deputatın oğlu da daxil olmaqla, müxtəlif əməllərdə şübhəli bilinən 9 nəfər saxlanılıb.