"Dortmund" uçuruma doğru irəliləyir

Öz evində "Ausburq"a da məğlub olan "Borusiya Dortmund" Bundesliqada sona doğru getməkdə davam edir.

ANN.Az ntvspor.net-ə istinadən xəbər verir ki, 2011 və 2012-ci ildə Liqa çempionu olan, 2013 Çempionlar Liqasında finalında oynayan, bu mövsüm Çempionlar Liqasında qrupundan ilk sırada çıxan "Borusiya Dortmund" Bundesliqada inanılmaz bir eniş dövrü yaşayır.

Keçən həftə "Bayer Leverkusen" ilə səfərdə bərabərə qalan Sarı-qaralar bundan sonra öz evində "Ausburq"a məğlub olmaqdan xilas ola bilməyib. 10 nəfərlik Ausburq qarşısındakı məğlubiyyət və bezib-usanmadan daim komandanı dəstəkləyən Dortmund tərəfdarının da səbrini daşırıb. Oyunun sonunda tribunaları dolduran 80 min Dortmund tərəfdarı oyunçulara və baş məşqçi Jurgen Kloppa etiraz edib.

Baş məşqçi Klopp: "Başladığımız savaşı qazanmaq üçün, doğru qərarlar qəbul edəcək cəsarətə sahib olmalıyıq. "Ausburq" qarşısında bu cəsarəti göstərə bilmədik"  sözləri ilə özünü tənqid edib.

İlk 19 həftədə 16 bal toplayan Dortmund ilə Bundesliqa cədvəlinin ən son sırasında qərarlaşan Freyburq-la arasında 2 xal fərq yaranıb.

ANN.Az