Şəhriyar Məmmədyarov Vladimir Kraminkə qalib gəldi
22.04.2015 10:35
Bu gün Azərbaycanın tanınmış qrossmeysteri Vüqar Həşimovun xatirəsinə həsr olunmuş Shamkir Chess şahmat superturnirində istirahət günüdür.
Oxu.Az xəbər verir ki, fasilədən öncə dünya çempionu Maqnus Karlsen liderliyə yüksəlib. O, 5-ci turda fransız Maksim Vaşye-Ləqrava qalib gəlib.
Lakin günün əsas nəticəsi azərbaycanlı qrossmeyster Şəhriyar Məmmədyarovun keçmiş dünya çempionu, rusiyalı Vladimir Kramnik üzərində qələbəsi olub.
5-ci turadək liderlik edən amerikalı Uesli So daha bir keçmiş dünya çempionu – Vişi Ananda uduzub.
Azərbaycanın digər təmsilçisi Rauf Məmmədov ingilis Maykl Adamsla heç-heçə oynayıb. İtaliyalı Fabiano Karuana və hollandiyalı Aniş Giri də sülh bağlayıblar.
5 turdan sonra turnir cədvəli:
1. Karlsen - 4 xal
2. So – 3,5 xal
3. Anand – 3 xal
4-5. Məmmədyarov, Kramnik – hərəsi 2,5 xal
6-9. Giri, Vaşye-Ləqrav, Karuana, Məmmədov – hərəsi 2 xal
10. Adams – 1,5 xal.
www.ann.az
Oxşar xəbərlər
Oxşar xəbərlər
Foto 
Video 
