Milli Kibertəhlükəsizlik Agentliyində üç yeni təyinat olub

Milli Kibertəhlükəsizlik Agentliyində (MKA) üç yeni kadr təyin edilib. Bu barədə İqtisadiyyat.az məlumat yayıb. 

Təyinatlar Agentliyin İdarə Heyətinin sədri Fərid Zeynalovun əmrləri ilə həyata keçirilib.

Ceyhun Allahşükür oğlu Cəfərov Kiber əməliyyatları departamentinin direktoru, Nizami Mərdan oğlu Əliyev İnformasiya Texnologiyaları və infrastruktur təhlükəsizliyi departamentinin direktoru, Sahil Yaqub oğlu Fərzəliyev isə həmin departamentin İnfrastruktur təhlükəsizliyi şöbəsinin müdiri vəzifəsinə təyin olunub.

Cəfərov bundan əvvəl ABB-də, Əliyev “Azerikard”da, Fərzəliyev isə “Azərsilah” Müdafiə Sənayesi Holdinqində rəhbər vəzifələrdə çalışıb.