Rusiya Olimpiya Komitəsi Bakıda Azarkeşlər Evini açacaq
28.05.2020 23:05
Bakı -2015 I Avropa Oyunlarının keçirildiyi zaman Azərbaycan paytaxtında Azarkeşlər Evi açılacaq.
Rusiyanın "Rossotrudniçestvo” informasiya-mədəniyyət mərkəzindən APA-ya verilən məlumata görə, unikal interaktiv ekspozisiya I Avropa Oyunlarında yer alan idman növlərinə, habelə Rusiya və Azərbaycan idmançılarına həsr olunacaq.
Azarkeşlər Evini Rusiya Olimpiya Komitəsi açacaq.
I Avropa Oyunlarını ilin ən önəmli idman yarışı adlandıran Rusiya Olimpiya Komitəsinin prezidenti Aleksandr Jukov bildirib ki, Rusiya bu yarışda ən güclü idmançılarla təmsil olunacaq.
"Biz azarkeşlərin dəstəyinin idmançılarımız üçün əhəmiyyətini anlayırıq. Bu üzdən Bakıda Azarkeşlər Evinin açılması qərara alındı”, - deyə o vurğulayıb.
Qeyd edək ki, iyunun 12-dən 28-dək fəaliyyət göstərəcək Azarkeşlər Evi Bakıda Xocalı prospekti, 20 ünvanında yerləşəcək.
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
