Nazarovun komandası Bundesliqaya vəsiqə qazana bilmədi

Nazarovun komandası Bundesliqaya vəsiqə qazana bilmədi

Növbəti mövsüm Almaniya Bundesliqasında çıxış edəcək son komandanın kimliyinə aydınlıq gəlib. 

Qol.Az-ın məlumatına görə, yeganə vəsiqə uğrunda "pley-off" mərhələsinin matçında "Karlsrue" və "Hamburq" qarşılaşıb.

Millimizin futbolçusu Dmitri Nazarovun şərəfini qoruduğu "Karlsrue" səfərdə keçirilən ilk oyunda rəqibi ilə 1:1 bərabərə qalıb. "Karlsrue" doğma meydanda qalib gələcəyi və ya qolsuz heç-heçə edəcəyi təqdirdə növbəti mövsüm Bundesliqada oynamaq hüququ qazanacaqdı.

Lakin matçın 78-ci dəqiqəsində hesabı açan meydan sahibləri oyuna əlavə edilmiş dəqiqələrdə qapısından qol buraxıb. Əlavə vaxtda daha bir qol vuran "Hamburq" növbəti mövsüm Bundesliqada oynamaq hüququ əldə edib. 

Qeyd edək ki, start heyətində meydana çıxan Dmitri Nazarov oyunu əvəzlənmədən keçirib. 

 

1 iyun

"Karlsrue" - "Hamburq" - 1:2

Qollar: Yabo, 78 (1:0), Diaz, 90+1 (1:1), Müller, 115 (1:2)

(ilk oyun - 1:1)