O, qeyd edib ki, REAL-çılar Milli Şuranın sabahki mitinqdə iştirak etməyəcəklər.  "Biz Milli Şuranın mitinqinə yalnız bir neçə dəfə seçki ərəfəsində getmişik, onun da səbəbi şəxsən Cəmil Həsənliyə dəstək olmaq idi. Təkcə Milli Şura deyil, başqa təşkilat da bizi mitinqə dəvət etsə, getməyəcəyik. Çünki hazırda partiya quruculuğu ilə məşğuluq və qurultaya hazırlaşırıq”. 

E.Qədirli ümumilikdə müxalifətin hazırda ağır durumda olduğunu vurğulayıb.

"Aydın məsələdir ki, hazırda müxalifətin vəziyyəti ağırdır. Əslində başqa ölkələrdə mitinqləri siyasi partiyalar keçirmir. Etirazçı kütlə özü, yaxud da həmkarlar ittifaqları mitinqlər təşkil edir. Bizdə isə "müxalifət varmı?” sualı qəribə şəkildə paradoksa çevrilib. Çünki müxalifət parlamentdə olur. Parlamentdən kənar müxalifət olmur. Ümumilikdə isə müxalifətin hazırkı vəziyyətə düşməsində müxalifətin də səhvi az deyil”.