Sosial Tədqiqatlar Mərkəzinin keçirdiyi sorğu nəticələrinə görə respodetlərin 55,7%-i insanların gündəlik əsas məlumat mənbələrini sosial şəbəkədən, 45,3%-i televiziyadan, 30,7%-i internet xəbər saytlarından, 12,5%-i yaxın ətrafdan aldığını bildirib. Bu barədə qurumun bu gün açıqladığı sorğu nəticələrində qeyd olunub.
Bildirilir ki, respondentlərin rəylərində növbəti sıralarda qəzet, jurnal (2,3%), radio (1,8%) və digər informasiya mənbələri (0,5%) yer alıb.
Nəticələrə əsasən, yaşı 65-dən yuxarı olanların 89.2%-nin gündəlik hadisələrlə əsas informasiya mənbəyi televiziya, 18-24 yaş qrupu iştirakçıların isə 85.0%-nin isə sosial şəbəkələr olduğuğu vurğulanıb.
Sorğu 2023-cü ilin 12 – 16 oktyabr tarixləri arasında icra olunub. Sorğular telefonla müsahibə formasında keçirilib və 18 yaşından yuxarı 384 respondent iştirak edib. Sorğuda 12 iqtisadi rayon əhatə olunub.
Aytac Zeynalova
www.anews.az
Bizi sosial şəbəkələrdə izləyin !
