Rusiyanın Belarusda nüvə silahının yerləşdirilməsi ilə bağlı Qərbə cavabı
27.03.2023 15:44
Rusiya Belarusda taktiki nüvə silahı yerləşdirmək planlarını dəyişməyəcək. Bunu gazeta.ru Rusiya prezidentinin mətbuat katibi Dmitri Peskova istinadən yayıb.
"Rusiya prezidenti Vladimir Putin Qərb ölkələrinin mənfi reaksiyasından sonra Belarusiya ərazisində taktiki nüvə silahlarının yerləşdirilməsi ilə bağlı mövqeyini dəyişmək niyyətində deyil. Qərbn reaksiyası Rusiyanın planlarını dəyişə bilməz. Hər şey prezident tərəfindən izah edildi. Əlavə ediləcək heç nə yoxdur”, – Peskov bildirib.
Martın 25-i Rusiya prezidenti Vladimir Putin 2023-cü il iyulun 1-də Belarusda taktiki nüvə silahları üçün anbar tikintisinin başa çatacağını bəyan edib.
Rusiya lideri qeyd edib ki, Belarus prezidenti öz ölkəsində Rusiya Federasiyasının taktiki nüvə silahlarının yerləşdirilməsi məsələsini çoxdan qaldırıb.
Putinin sözlərinə görə, artıq Belarusda taktiki nüvə silahı və "İsgəndər” raket sistemi daşıya bilən 10 təyyarə yerləşdirilib.
NATO Rusiyanın nüvə ritorikasını "təhlükəli və məsuliyyətsiz” adlandırıb. Fransa Xarici İşlər Nazirliyi Rusiyanı Belarus ərazisində taktiki nüvə silahlarının yerləşdirilməsi ilə bağlı qərarına yenidən gözdən keçirməyə çağırıb.
Litvanın Xarici İşlər Nazirliyi Rusiya Federasiyasının Belarus ərazisində taktiki nüvə silahı yerləşdirmək qərarı ilə bağlı Rusiya və Belarusa qarşı yeni sanksiyaların tətbiqinin tərəfdarıdır.
Martın 26-da "Ağ Ev"in strateji kommunikasiyalar üzrə nümayəndəsi Con Kirbi bildirib ki, ABŞ Belarusda Rusiya nüvə silahlarının yerləşdirilməsinin əlamətlərini görmür.
Zinyət Mehtiyeva
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
