Sarkisyan müharibə ehtimalından danışdı

"Yaxın gələcəkdə mən hərbi əməliyyatların bərpa olunacağını ehtimal etmirəm”. ANS PRESS Ermənistan mətbuatına istinadən bildirir ki, Ermənistan prezidenti Serj Sarkisyan bu barədə yanvarın 24-də Əmək və Sosial Məsələlər Nazirliyinin əməkdaşları ilə görüşündə deyib.Məlumatdan belə görünür ki, erməni məmurlar son günlərdə cəbhə xəttində yaranmış gərginlikdən çox narahat olublar və prezidentdən hərbi sahədə vəziyyətlə bağlı suallar veriblər. Onlara hərbi əməliyyatların bərpa olunmayacağı barədə ürək-dirək verən erməni prezident həm də büdcədən ayrılan vəsaitin azlığına baxmayaraq, Ermənistan ordusunda təchizat sarıdan vəziyyətin pis olmadığını deyib: “Deyirəm, güclü çatışmazlıq hiss etmirik, dünyada çox az ordu var ki, silah və sursatın miqdarından razı qalınsın. Başqa tərəfdən, biz hər şeyi edirik ki, problemi sülh yolu ilə həll edək”. ANN.Az