Sızanaq izlərini və qırışları yox edən prosedur: fraksional lazer

 

Müasir dövrdə kosmetologiya sahəsində çox istifadə edilən bu prosedur haqqında həkim-kosmetoloq Xariqə Quliyeva Aile.lent.az-a danışıb.

 

Kosmetoloq bildirir ki, fraksional lazer texnologiyası ilə çox incə lazer işığı istifadə etməklə dəri üzərində bir-birinin ardınca minlərlə iynə dəliyi boyda dəliklər açılır. Dərinin yalnız müəyyən bir qismi lazer şüalarına məruz qalaraq məhv olur, dəliklərin aralarında qalan toxumalar isə zərər görmür: "Zədələnməyən bu toxumalar yaxşılaşma prosesinin çox sürətli olmasını təmin edir. Yaxşılaşma müddəti əsnasında yenidən sıx kollagen meydana gəlir, bu da dərinin gərginləşməsinə və elastikliyinin artmasına səbəb olur. Bunun nəticəsində akne izləri azalır, qırışlar aradan qaldırılır, məsamələr sıxlaşır, dəri daha canlı və gənc bir görünüş qazanır”.

 

Fraksional lazer sızanaq, yara izləri, dəri çatları müalicəsində və qırışların aradan qaldırılmasında təsirlidir. Ehtiyaca görə fraksional lazer müalicəsi lazer pilinq əməliyyatı ilə daha təsirli nəticələr üçün kombinə edilə bilər: "Akne izləri və qırışlar çox dərin deyilsə, elə bir seansla müvəffəqiyyətli nəticələr alına bilər. Xəstənin ehtiyacına və gözləntilərinə əsasən təkrar seanslar tətbiq olunur. Seansların nə qədər təsirli olacağı isə dərinin quruluşundan asılıdır”.

 

X.Quliyeva deyir ki, fraksional lazer müalicəsinin tətbiqi dərinin müalicə ediləcəyi bölgənin təmizlənməsi ilə başlanır. Lazer yüngülcə üzə təmas edilir. Lazer şüaları dəriyə toxunduqda toqquşma hiss edilir və çırtıltı səsləri eşidilir. Bütün müalicə ediləcək bölgə lazer şüaları ilə daranır. Fraksional lazer proseduru üz bölgəsi üçün 30-40 dəqiqə içində tamamlanır: "Bir neçə gün ərzində dəri normal vəziyyətinə qayıdır. Lazer tətbiqindən sonra nəmləndirmə məhsulları istifadə edilməlidir. Fraksional lazer müalicəsi dərini günəşə qarşı həssas edir. Ona görə də mütləq yüksək qoruma faktorlu günəş kremi çəkmək lazımdır. Ümumiyyətlə, adi günlərdə də dərinin erkən yaşlanmasının qarşısını almaq üçün nizamlı olaraq günəş qoruyucuları istifadə olunmalıdır”.

 

Müalicəsinin nəticəsi 4-6 ay müddətində hiss edilir. Bu müddət ərzində dəri davamlı yaxşılaşma dövrünü yaşayır.

 

Qeyd edək ki, Xariqə Quliyeva fraksal lazerlə cavanlaşma (üz, boyun, dekolte), çapıq, yara, məsamələrin fraksal müalicəsi, üzün pilinqlə təmizlənməsi (Shining Peel), dartınmaların ER. YAQ lazerlə müalicəsi, ultrasəs aparatı vasitəsilə təmizləmə, üzə qulluq (Thalgo və Casmara), lazer epilyasiyası (Gentlelase PRO), inyeksiyasız mezoterapiya, mezoniti (üzün dartılması), Karbon Pilinq Spectra, üzün təmizlənməsi, tatuların silinməsi və kontur plastikası kimi kosmetoloji prosedurları həyata keçirir.

 

Prosedurlara yazılmaq istəyən xanımlar (050) 303 0209 (Whatsapp) / (055)3030209 telefon nömrələri vasitəsilə əlaqə saxlaya və ya suallarını www.instagram.com/kosmetoloq_xariqa instagram səhifəsi vasitəsilə kosmetoloqa ünvanlaya bilərlər.