"Çelsi"nin baş məşqçisi Joze Mourinyo "Qalatasaray"ın futbolçusu Uesli Sneyderdən İstanbul klubu haqda məlumat öyrənmək istəyib.

Qol.Az-ın Türkiyə mətbuatına istinadən yaydığı xəbərə görə, portuqaliyalı çalışdırıcı Çempionlar Liqasının  1/8 finalında "Qalatasaray"la düşdükdən sonra keçmiş oyunçusuna zəng edib. Hollandiya yarımmüdafiəçidən "Cim-Bom" haqda məlumat almaq istəyən Mourinyo buna nail ola bilməyib. Sneyder deyib ki, onun verdiyi heç bir sualı cavablandırmayıb:

 "Püşkatamdan iki dəqiqə sonra telefonuma zəng gəldi. Mourinyo mənə bəzi suallar verdi. Komandanın taktikası, oyunçular haqda soruşdu. Ancaq ona heç nə demədim. Mourinyo məni aldada bilmədi".

Qol.az