SOFAZ xarici valyuta satışını 19,5% azaldıb

18:02 | 02.12.2022
2022-ci ilin noyabrında Azərbaycan Dövlət Neft Fondu (SOFAZ) valyuta hərraclarında ümumilikdə 410,2 milyon ABŞ dolları məbləğində xarici valyuta satıb. Bu barədə SOFAZ xəbər verib.

2022-ci ilin oktyabrında SOFAZ tərəfindən valyuta hərraclarında ümumilikdə 321,9 milyon ABŞ dolları məbləğində valyuta satılıb. Belə ki, noyabrda oktyabrla müqayisədə Dövlət Neft Fondu tərəfindən xarici valyuta satışının həcmi 27,4% artıb.

2022-ci ilin yanvar-noyabrında fond hərraclarda 4 milyard 589,4 milyon ABŞ dolları məbləğində xarici valyuta satıb. Bu da 2021-ci ilin yanvar-noyabrı ilə müqayisədə 19,5% azdır. 

Hazırda valyuta hərraclarında xarici valyuta satışının əsas mənbəyi SOFAZ-dir.

2021-ci ildə SOFAZ valyuta hərraclarında 6 milyard 679 milyon dollar satıb. Bu da 2020-ci illə müqayisədə 8,6% azdır. 2021-ci ildə SOFAZ tərəfindən hərraclarda orta aylıq xarici valyuta satışı 556,6 milyon dollar təşkil edib.
 
N.Təbrizli

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb