İsrail Yəməndə “Qara bayraq” əməliyyatına başlayıb

İsrailin müdafiə naziri Yoav Qalant bazar günü Yəməndəki husilərə qarşı “Qara bayraq” adlı yeni hərbi əməliyyatın başladığını elan edib.

Əməliyyat çərçivəsində Hodeyda, Əs-Salif və Ras-İsa limanlarına, eləcə də Ras-Katib elektrik stansiyasına və husilər tərəfindən ələ keçirilmiş Galaxy Leader gəmisinə 20-dən çox hava zərbəsi endirilib.

İsrail Müdafiə Nazirliyinin yaydığı bəyanata görə, sözügedən obyektlər “terror məqsədləri ilə istifadə olunur”.

İsrail ordusunun rəsmi nümayəndəsi Aviha Adri hücumlardan əvvəl liman və elektrik stansiyası yaxınlığındakı əhalinin təxliyəsi barədə xəbərdarlıq yayıb.

İsrailin müdafiə naziri əlavə edib ki, husilərin raket hücumları davam edəcəyi təqdirdə, “Yəmən Tehranın taleyini paylaşacaq”.

N.Təbrizli