Müəllif Hüquqları Agentliyi (MHA) son 18 il ərzində Azərbaycanda qeydiyyatdan keçirilən əsərlərin sayını açıqlayıb.MHA-nın mətbuat xidmətindən APA-ya verilən xəbərə görə, 1996-2013-cü illərdə ölkədə 9 133 əsər qeydiyyatdan keçirilib. Bunun 2 910-u (31,86%) musiqi əsərləri, 2 274-ü (24,89%) ədəbi əsərlər, 1 611-i (17,63 %) elmi və tədris əsərləri, 770-i (8,43%) dizayn və dekorativ tətbiqi sənət əsərləri, 333-ü (3,64%) toplular, 61-i (0,66%) multimedia əsərləri, 39-u (0,42%) fonoqramlar və yayım təşkilatlarının verilişləri, 11-i (0,12%) isə məlumat bazalarıdır. Ötən il ərzində isə Azərbaycanda 195 müəllifin 578 əsəri qeydiyyatdan keçirilib və qeydiyyat haqqında 365 şəhadətnamə verilib.ANN.Az