Suriya hökumət qoşunları ötən gün ölkə hüdudlarından kənara çıxarılaraq məhv edilməsi planlaşdırılan kimyəvi silah anbarlarına törədilən iki hücumu dəf edib.

APA-nın “İnterfaks”a istinadən verdiyi xəbərə görə, bu barədə Suriya XİN-dəki mənbəyə istinadən SANA dövlət xəbər agentliyi məlumat yayıb.   

 Mənbənin məlumatına əsasən, birinci hücum dekabrın 21-də Suriyanın mərkəzi hissəsində baş verib, digəri isə Dəməşq əyalətində törədilib. Məlumata görə, hücumu “Cəbhə ən-Nüsrə” və “İslam ordusu” qruplaşmalarının üzvləri törədib.    Hücum nəticəsində 4 hərçi həlak olub, 28 nəfər isə yaralanıb.  ANN.Az