“Təhsil haqqında” qanun hələ də Milli Məclisin plenar iclasında müzakirəyə çıxarılmır - Deputat

12:21 | 01.02.2024
“Təhsil haqqında” qanun hələ də Milli Məclisin plenar iclasında müzakirəyə çıxarılmır - Deputat

“Təhsil haqqında” qanun hələ də Milli Məclisin plenar iclasında müzakirəyə çıxarılmır - Deputat

"Təhsil haqqında” qanun hələ də Milli Məclisin plenar iclasında müzakirəyə çıxarılmır. Bunu deputat Əziz Ələkbərli deyib. 

"Qanun layihəsi ilə tanışam. Müzakirələr də olunub. Bu məsələni hər dəfə müzakirə edirik, amma Milli Məclisin plenar iclasına çıxara bilmirik. Sessiyadan sessiyaya ötürürük. Əgər bu qanun müzakirəyə çıxarılma səviyyəsində deyilsə birdəfəlik gündəlikdən çıxarılsın”, - deputat fevralın 1-də Milli Məclisin plenar iclasında bildirib. 

Deputat Fəzail Ağamalı da bu qanunla bağlı onu dinləmələrə çağrılmamasına görə narazılığını ifadə edib. 

"Bu dinləmələrə təhsildə çalışan, bu sahədə olan şəxslər çağrılmayıb. Yaxşı olar ki, dinləmələr keçirilib sonra müzakirəyə təqdim olunsun”, - o söyləyib. 

Elm və Təhsil komitəsinin sədri Bəxtiyar Əliyev deputatlara cavab olaraq bildirib ki, bu qanun sadəcə işçi qaydasında müzakirə olunub.

"Burada deputatların təklifləri aiddiyatı qurumlara təqdim olunub. Təkliflər üzərində iş gedir. Qanun layihəsi hələlik bizim komitənin də birinci oxunuşuna çıxarılmayıb. Səbəb odur ki, bir sıra məsələlər razılaşdırılmalıdır. Bunlar öz əlllini tapdıqdan sonra biz dinləmələr keçirilməliyik. Dinləmələr keçirtmək üçün heç bir qanun yoxdur”, - deputat əlavə edib.
 
Gülnar Nazimqızı

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb