Müharibədə ölən ukraynalıları xəndəklərdə basdırırlar - FOTOLAR/VIDEO

17:57 | 10.03.2022
Müharibədə ölən ukraynalıları xəndəklərdə basdırırlar  - FOTOLAR/VIDEO

Müharibədə ölən ukraynalıları xəndəklərdə basdırırlar - FOTOLAR/VIDEO

Mariopolun Rusiya Silahlı Qüvvələri tərəfindən şiddətli atəşə tutulması səbəbindən həlak olmuş ukraynalıları qardaş məzarlığında dəfn edirlər. Onların sayı elə sürətlə artır ki, çəhər sakinləri onların hər biri üçün məzar qazmaq və tabutda dəfn eləməyə macal tapmır. Şəhərin daim bomvardman edilməsi də bu işi bir qədər də çətinləşdirir.

Associated Press-ə məxsus fotolarda  əyninə  kombinezon və ya mavi qoruyucu kostyum geyinmiş kişilərin insan cəsədlərini xəndəyə yerləşdirdikləri əks olunub. Bəzi fotoşəkillərdə cəsədlər meyidlər üçün nəzərdə tutulmuş torbalara qoyulub, digərlərində isə sadəcə adyallara bükülüb.

Şəhər bir neçə gündür Rusiya Silahlı Qüvvələri tərəfindən bombalanır və mühasirəyə alınıb. 
 


Rusiyanın işğalı başlayandan bəri Mariupolda azı 1300 mülki şəxs həlak olub. Bu barədə  şəhər merinin müşaviri məlumat verib.  

Şəhər sakinlərinə su və elektrik enerjisinin verilməsi dayandırılıb. Ukraynanın xarici işlər naziri Rusiyanı  300 min mülki şəxsi girov saxlamaqla hərbi cinayət törətməkdə ittiham edib.

"Biz həqiqətdə nə qədər adamın öldüyünü hesablaya bilmirik. Real ölənlərin sayı deyiləndən üç-dörd dəfə çoxdur. Bomba və artilleriya atəşi nəticəsində küçələrdə neçə nəfərin öldüyünü hesablaya belə bilmirik",  -  
Mariupol merinin müavini Sergey Orlov CNN-ə bildirib.

Sayı günü-gündən artan ölüləri dəfn etmək üçün şəhər adminstrasiyasının fəhlələri qəbiristanlıq ərazisində 22 metr uzunluğunda dərin xəndək qazaraq Rusiya ordusunun hücumları nəticəsində həlak olmuş əsgərlərin və mülki şəxslərin cəsədlərini torpağa basdırırlar.

Hadisə yerini çəkən AP-nin fotomüxbiri Evgeniy Maloletka, bəzi cəsədlərin "xalçaya və ya plastik torbalara bükülmüş şəkildə gətirildiyini" söyləyib. "Həftənin ikinci günü 40, üçüncü günü isə daha 30 nəfərin nəşi qardaş məzarlığında dəfn edilib", - jurnalist deyib. 


Elnur Babayev

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb