“Telegram” kanalları kütləvi surətdə bloklanır

“Telegram” messenceri 187 min 634 qrup və kanalı bloklayıb.Bu barədə xarici KİV xəbər verir.

Məlumata görə, bu son həftələrin ən kütləvi bloklama dalğası sayılır.

Fevralın əvvəlindən etibarən “Telegram” artıq 2,04 milyon icmaya çıxışı məhdudlaşdırıb. Onlardan 7116-sı terrorizmlə əlaqəli olub.

2026-cı ilin əvvəlindən bloklanan qrup və kanalların ümumi sayı 7,5 milyona yaxınlaşıb. Bu rəqəmə platforma tərəfindən terrorizmlə əlaqəli hesab edilən 27 382 icma da daxildir.

"Telegram"da 2015-ci ildən etibarən istifadəçi şikayətləri və maşın öyrənməsindən istifadə edilən proaktiv monitorin sistemi tətbiq olunur . 2024-cü ilin əvvəlində bu tədbirlərə süni intellekt əsaslı moderasiya alətləri də əlavə edilib.