• $ 1.7
  • € 1.8382
  • ₽ 1.9101
  • ₺ 0.0466
  • £ 2.1905

“Tottenhem” haqda çox danışmağa ehtiyac yoxdur - Qurban Qurbanov

“Tottenhem” haqda çox danışmağa ehtiyac yoxdur - Qurban Qurbanov
25.09.2024 23:25
Avropa Liqasının Liqa mərhələsinin I turunun "Tottenhem"lə matçından öncə "Qarabağ"ın baş məşqçisi Qurban Qurbanovun mətbuat konfransı keçirilib.

Anews.az APA-ya istinadən verilən sual-cavabı təqdim edir.

"Əfsuslar olsun ki, yerli jurnalistlərdən heç kim burada yoxdur. Sadəcə bizim iki çox dəyərli jurnalistimiz buradadır. "Tottenhem” haqda çox danışmağa bir o qədər ehtiyac yoxdur. Çünki dünyanın ən güclü çempionatında iştirak edən komandaya qarşı oynayacağıq. Hansı ki, həmişə liderlər sırasında olub. Oyuna hazırıq. Sabah yəqin ki, çox düzgün, çox səliqəli, çox intizamlı oynamağa çalışacağıq. Bizim üçün böyük təcrübədir. Belə stadionda, belə azarkeş qarşısında oynamaq hər bir futbolçumuzun böyüməsi üçün böyük təcrübədir. Sabah futbolçular çox güc sərf edərək, mütləq yaxşı oyun göstərməyə çalışacaqlar". 

- 2015-ci ildə "Qarabağ" Londonda "Tottenhem"ə 1:3 uduzmuşdu. Həmin oyunu necə xatırlayırsız?

- Həmin matç tam olaraq yadımdadır. Bəli, 1:3 uduzmuşduq. O vaxt da "Tottenhem" yaxşı kollektiv idi, yaxşı baş məşqçisi var idi. Amma bugünkü "Tottenhem" daha dinamik, daha sürətlidir. Yeni baş məşqçi gələndən sonra bəlkə də, Premyer Liqanın ən sürətli pressinq edən komandalarından birinə çevriliblər. O vaxtkı "Tottenhem"lə indiki tamam fərqlidir. Tam fərqli oyun fəlsəfəsi var.

- "Dinamo"(Zaqreb) Çempionlar Liqasında "Bavariya”ya 2:9 uduzduqdan sonra Azərbaycanda çoxları yaxşı ki, "Qarabağ"ın ÇL-də olmadığı fikirlərini səsləndirdi. Bu fikrə münasibətiniz necədir?

- Məncə, bu barədə düşünmək artıq gecdir. Bu gün Avroliqadakı komandaların 70 faizi Çempionlar Liqasındakı komandalardan fərqlənmir. ÇL səviyyədə oynayan komandalardır. Bu barədə düşünmürəm, düşünmək də istəmirəm. Əgər bu gün AL-də oynayırıqsa, o barədə düşünməyimiz doğru olmaz. ÇL-ə düşsəydik, necə olardı, düşməmişik yaxşıdır kimi düşüncələrlə işimizi qurmalı deyilik. Əksinə, istənilən turnirdə ən yuxarılarda olmağa çalışmışıq. Layiqincə mübarizə aparmaq istəmişik. Böyükhesablı məğlubiyyətə gəldikdə, belə hallara tez-tez rast gəlirik. Bu gün futbol bir az fərqli yöndə gedir, inkişaf edir. Böyük komandaların bu cür rəqiblərə, bizə böyük hesabla qalib gəlmək ehtimalları çoxdur. Biz də hər oyuna tam ciddi, tam diqqətli hazırlaşırıq.

- "Tottenhem" haqda sirr aça bilərsiz?

- Xeyr, açılacaq sirr yoxdur. Rəqibin sirrləri çoxdur. Bu barədə hansısa fikir bildirə bilməyəcəm.

www.anews.az
Oxşar xəbərlər
Oxşar xəbərlər
Rafael Fiziyev Qetjiyə məğlub olub - Video
İdman 10:30
Rafael Fiziyev Qetjiyə məğlub olub - Video
Zelenski gələn ay Cənubi Afrikaya səfər edəcək
İdman 16:40
Zelenski gələn ay Cənubi Afrikaya səfər edəcək
Millinin sabiq futbolçusunu 10 ilə kimi həbs gözləyir
İdman 14:46
Millinin sabiq futbolçusunu 10 ilə kimi həbs gözləyir
UEFA “Qarabağ”ı cərimələyib
İdman 10:56
UEFA “Qarabağ”ı cərimələyib
Qara görə bu oyunlar təxirə salınıb
İdman 13:39
Qara görə bu oyunlar təxirə salınıb
AFFA aşağı yaş qrupları üzrə oyunları təxirə salıb
İdman 22:24
AFFA aşağı yaş qrupları üzrə oyunları təxirə salıb
AFFA aşağı yaş qrupları üzrə liqaların oyunlarını təxirə salıb
İdman 19:08
AFFA aşağı yaş qrupları üzrə liqaların oyunlarını təxirə salıb
"Qarabağ" "Neftçi"ni məğlub edib - Yenilənib
İdman 20:55
"Qarabağ" "Neftçi"ni məğlub edib - Yenilənib
Şahmat üzrə Azərbaycan çempionatının qalibləri müəyyənləşib
İdman 21:30
Şahmat üzrə Azərbaycan çempionatının qalibləri müəyyənləşib
Anews TV

Rəsmi Youtube kanalımız

Abunə ol