Millinin sabiq futbolçusunu 10 ilə kimi həbs gözləyir

Azərbaycan milli komandasının keçmiş futbolçusu Abdulla Abatsiyev Moskvada külli miqdarda dələduzluq etdiyinə görə həbs edilib. Bu barədə RİA Novosti məlumat yayıb.

 Onu 10 ilə qədər həbs gözləyir.

Özlərini Mosenergosbyt və FSB əməkdaşları kimi təqdim edən fırıldaqçılar təqaüdçünün 14 milyon rublunu oğurlayıb.

Abatsiev isə kuryer kimi fəaliyyət göstərib.

Abatsiev 1993-cü ildə Vladiqafqazda anadan olub və yarımmüdafiəçi kimi çıxış edib. O, “Alaniya” (Vladiqafqaz) klubunun gənclər komandasında, həmçinin Azərbaycanın “İnter” və “Sumqayıt” klublarında, Rusiyanın “Torpedo” (Armavir), SKA (Rostov-na-Donu), Maşuk (Pyatiqorsk) və “Olimp” (Ximki) komandalarında çıxış edib. O, Azərbaycan gənclər yığmasında altı, Azərbaycan millisində isə bir oyun keçirib.

Aytac