Türkiyədəki zəlzələdə bir Azərbaycan vətəndaşı ölüb
08.02.2023 14:58
Türkiyədə baş verən zəlzələdə 1 nəfər 1980-ci il təvəllüdlü Bakı sakini Nailə Bünyatova Aydın qızı ölüb.
Bu barədə XİN-dən məlumat verilib.
"Daxil olan məlumatlar əsasında zərərçəkmiş vətəndaşlarımızın siyahıları tərtib olunur. Bununla bağlı Türkiyə Respublikasının Daxili İşlər Nazirliyi, Səhiyyə Nazirliyi, Təhsil Nazirliyi, Ali Təhsil Şurası və digər dövlət qurumları ilə də əməkdaşlıq həyata keçirilir.
Eyni zamanda, Azərbaycan Respublikası tərəfindən vətəndaşlarımızın təxliyə prosesi davam edir. Təxliyə prosesinin problemsiz həyata keçirilməsi məqsədilə Səfirliyin və Səfirlik nəzdindəki Hərbi Attaşelik aparatının bir qrup əməkdaşı zəlzələ bölgəsinə ezam olunub.
7 fevral 2023-cü il tarixində zəlzələdən zərər çəkmiş 12 vilayətdən 5 avtobus vasitəsilə 205 nəfər Azərbaycan vətəndaşı və onların yaxın ailə üzvləri olan xarici ölkə vətəndaşları quru yolu ilə Gürcüstan üzərindən Azərbaycana yola salınıb. Bu gün də çox sayda vətəndaşının təxliyəsi planlaşdırılır və bunun üçün müvafiq tədbirlər həyata keçirilir.
www.anews.az
Oxşar xəbərlər
Oxşar xəbərlər
Foto 
Video 
