Pyotr Poroşenko: “Ölkənin şərqindəki kabusa son qoyacağıq”

“Ölkənin şərqində əsl əməliyyatlar nəhayət ki, başlayıb, biz bu kabusa son qoyacağıq”. APA-nın xəbərinə görə, bu sözləri Almaniyanın “Bild” qəzetinə açıqlamasında Ukraynanın yeni seçilmiş prezidenti Pyotr Poroşenko deyib.

P. Poroşenko bildirib ki, şərqi Ukrayna müharibə vəziyyətindədir: “Ölkəmizə qarşı əsl müharibə aparılır, biz buna reaksiya verməliyik”.

Prezident kreslosuna oturmağa hazırlaşan siyasətçi qeyd edib ki, əməliyyatın əsas məqsədlərindən biri separatçıların liderlərini yaxalamaqdır və onlar məhkəmə qarşısına çıxarılmalıdır: “Terrorçuların bundan sonra da insanları oğurlamasına və qətlə yetirməsinə, binaları ələ keçirməsinə yol vermək olmaz”.

P. Poroşenko ordunun maddi təminatının hazırda Kiyev üçün prioritet olduğunu söyləyib.  

ANN.Az