Berlində Xordad hadisələrinin ildönümü ilə əlaqədar Azərbaycan bayrağı dalğalandırılıb

İranda baş verən Xordad hadisələrinin ildönümü ilə əlaqədar Almaniyanın paytaxtı Berlində etiraz aksiyası keçirib. Bu barədə Güney Azərbaycanın Səsi teleqram kanalı məlumat yayıb.

 

Şüarlarda "Azadlıq, Ədalət, Milli Hökumət!", "Azadlıq!", "Məhv olsun raşist!", "Azərbaycan oyaqdır, millətinə dayaqdır!", "Güney Azərbaycan İran deyil!" və başqa şüarlar səsləndirib.

 

Etirazçılar Azərbaycan və Güney Azərbaycanın bayraqlarını dalğalandırıblar.

 

12 may 2006-cı ildə İran dövlətinin rəsmi orqanı olan "İran” qəzetinin müvafiq sayında türkləri böcək kimi təsvir edən karikatura dərc edilib. Buna etiraz edən azərbaycanlılar yaşadıqları şəhər və qəsəbələrdə aksiyalara başlayıblar.

Tehran, Zəncan, Təbriz, Urmiya, Ərdəbil, Əhər, Həmədan, Kəleybər, Muğan, Miyanə, Marağa, Xoy, Salmas, Xiyav, Qoşaçay, Sulduz və Mərənd kimi şəhərlərdə qısa müddət sonra kütləvi etirazlar başlayıb.

İran hüquq-mühafizə orqanları aksiyaların böyüməsinin qarşısını almaq məqsədilə, gücdən istifadə edərək dinc şəkildə keçirilən etiraz aksiyalarını dayandırmaq üçün tədbirlər görməyə başlayıb.

Etirazlar zamanı 30-dan çox soydaşımız İran rejiminin təhlükəsizlik qüvvələrinin açdığı atəş nəticəsində şəhid olub, yüzlərlə insan yaralanıb, həmçinin çoxsaylı aksiya iştirakçısı həbs edilib.
 

Aytac