Türkiyədəki yanğında ölənlərin sayı 79-a çatıb - Video - Yenilənib
22.01.2025 20:51
Ötən gün Türkiyənin Bolu vilayətinin Kartalkaya dağ-xizək mərkəzinin hotelində baş verən yanğında ölənlərin sayı artıb.Bu barədə "TRT Haber” xəbər verib.
Bolu Respublika Prokurorluğu yanğında həyatını itirənlərin sayının DNT testləri nəticəsində 79-a yüksəldiyini açıqlayıb.
***
Türkiyənin Bolu vilayətindəki yanğında ölənlərin sayı artıb.Bu barədə Türkiyənin daxili işlər naziri Ali Yerlikaya məlumat verib.
"Hadisə nəticəsində 76 nəfər ölüb.Ölənlərdən 52-sinin şəxsiyyəti müəyyən edilib, 45-nin meyiti yaxınlarına təhvil verilib. İstintaq zamanı indiyədək 9 nəfər saxlanılıb”,-Yerlikaya bildirib.
16:21
Türkiyənin Bolu vilayətində Kartalkaya xizək kurortunda bir oteldə baş verən yanğında ölənlərin sayı 66-ya çatıb. Bu barədə Türkiyənin dövlət kanalı məlumat yayıb.
Hadisə nəticəsində 51 nəfərin yaralandığı qeyd olunub.
10:15
Türkiyənin Bolu vilayətində Kartalkaya xizək kurortunda bir oteldə baş verən yanğında 10 nəfər ölüb , 32 nəfər yaralanıb. Bu barədə TRT Haber telekanalı məlumat yayıb.
Ölənlər Türkiyə vətəndaşı olub , ikisi suya atılaraq ölüb. Əyalət qubernatoru Əbdüləziz Aydının sözlərinə görə, 26 qurbanın vəziyyəti orta ağır qiymətləndirilir, ikisinin vəziyyəti ağırdır.
Hazırda oteldə baş verən yanğın nəzarət altına alınıb. Aydın əlavə edib ki, hadisənin səbəbləri Bolu prokurorluğu tərəfindən müəyyən edilir.
Türkiyənin daxili işlər naziri Əli Yerlikaya bildirib ki, yanğının söndürülməsinə müxtəlif dövlət qurum və təşkilatlarının 267 əməkdaşı cəlb olunub. O, insan tələfatından təəssüfləndiyini bildirib, xəsarət alanlara şəfa arzulayıb.
Aytac
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
