Türkiyə XİN Suriyadakı terroru pisləyib

Türkiyə Xarici İşlər Nazirliyi Suriyanın Homs əyalətində məsciddə törədilən terror aktını pisləyib.Bu barədə nazirliyin yaydığı rəsmi bəyanatda qeyd olunub.

Nazirlik hücumda həyatını itirənlərə Allahdan rəhmət diləyib, Suriya hökumətinə və xalqına dərin hüznlə başsağlığı verib.

Bəyanatda vurğulanıb ki, Türkiyə bütün təxribat cəhdlərinə baxmayaraq, Suriyanın sabitliyini, təhlükəsizliyini və ərazi bütövlüyünü gücləndirmək istiqamətindəki səylərini dəstəkləməyə davam edəcək.