Rusiya vətəndaşlarını Almaniyaya səyahət etməkdən çəkinməyə çağırıb

Rusiya vətəndaşlarına Almaniyaya səfərlə bağlı xəbərdarlıq edilib.Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.

Onun sözlərinə görə, nazirlik rusiyalılara zəruri hallar istisna olmaqla Almaniyaya səfərdən çəkinməyi tövsiyə edir.

Zaxarova bildirib ki, bu çağırış Almaniyada rusiyalı vətəndaşlara qarşı “ayrı-seçkilik xarakterli hərəkətlər” və onların hüquqlarının pozulması ilə bağlı iddialarla əlaqədardır.