Xaricə səfər edən azərbaycanlıların sayı açıqlanıb
23.08.2023 13:53
2023-cü ilin yeddi ayında Azərbaycandan xarici ölkələrə gedən vətəndaşlarının ümumi sayı 993,5 min nəfər olub, bu da ötən ilin eyni dövrü ilə müqayisədə 19,8 % çoxdur. Bu barədə Dövlət Statistika Komitəsi məlumat yayıb.
Bildirilir ki, Rusiya Federasiyasına gedən Azərbaycan vətəndaşlarının sayı 1,6 dəfə, Gürcüstana - 32,5 %, Türkiyəyə - 6,4 % artıb, İrana - 24,7 % azalıb. Azərbaycan vətəndaşlarının 42,5 %-i Türkiyəyə, 22,7 %-i Rusiyaya, 9,2 %-i Gürcüstana, 7,7 %-i İrana, 17,9 %-i digər ölkələrə səfər edib. Gedənlərin 66,5 %-ni kişilər, 33,5 %-ni qadınlar təşkil edib.
Məlumata görə, xarici ölkələrə səfər edən Azərbaycan vətəndaşlarının 68 %-i hava, 29,3 %-i dəmir yolu və avtomobil, 2,7 %-i isə dəniz nəqliyyatından istifadə edib.
Bu ilin yanvar-iyulunda Azərbaycana 183 ölkəsindən 1 milyon 143,6 min əcnəbi və vətəndaşlığı olmayan şəxs gəlib.
Cari ilin yanvar-fevralında xarici ölkələrə gedən Azərbaycan vətəndaşlarının ümumi sayı 2022-ci ilin eyni dövrü ilə müqayisədə 18,3 % artaraq 218 min nəfər olub.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
