Ölkədə narkotiklə bağlı cinayətlərin sayı azalıb

2024-cü ildə Azərbaycanda narkotik vasitələrin və psixotrop maddələrin qanunsuz dövriyyəsi ilə əlaqədar cinayət törətmiş 7245 şəxs müəyyən edilib.  Bu da 2023-cü illə müqayisədə  11,9 faiz azdır. Bu barədə Dövlət Statistika Komitəsinin məlumatında bildirilib.

Məlumata görə, onların 36,3 faizini əvvəllər də cinayət məsuliyyətinə cəlb olunmuş şəxslər təşkil edir. Bu da ötən ilin müvafiq dövrü ilə müqayisədə 15,1 faiz azdır. 

Bildirilib ki, 2024-cü il ərzində ölkədə qeydə alınmış 33379 cinayət hadisəsinin 8863-ü və ya 26,6 faizi narkotik vasitələrin və psixotrop maddələrin qanunsuz dövriyyəsi ilə əlaqədar olub.

Aytac