Həbsdən azad edilmiş keçmiş neft maqnatı Mixail Xodorkovski siyasətə qayıtmaq və "YUKOS"un aktivlərinin qaytarılmasına çalışmaq niyyətində deyil. Bu barədə Xodorkovski özü "The New Times" qəzetinə müsahibəsində danışıb. 

"Mən əfv edilmək barədə məktubumda əvvəllər ictimaiyyət arasında danışmadığım şeyləri yazmışam - siyasətlə məşğul olmaq və aktivləri geri qaytarmaq fikrim yoxdur", - deyə Xodorkovski bildirib. Keçmiş oliqarx həmçinin məktubunda ona xaricə getmək imkanının verilməsini xahiş etdiyini də etiraf edib. 

Mixail Xodorkovski həmçinin bildirib ki, əgər ondan öz təqsirini etiraf etməyi tələb etsəydilər, heç vaxt əfv barədə məktub yazmazdı.

ANN.Az