Zabratda nə idman meydançası nə də park var - Deputat

 

"Zabratda bir sıra problemlər var, hansı ki, onların həll olunması zərurəti yaranıb. Belə ki, 192 saylı məktəbdə sıxlıq yaranıb. Əlavə korpusun tikilməsinə ehtiyac yaranıb. Əks halda yaranmış sıxlıq tədrisin vəziyyətinə təsir edir. Həmçinin Zabratda idman meydançalarının və parkların olmaması vətəndaşalr arasında narahatlıq yaradır. Gənclər asudə vaxtlarının səmərəli keçirməsi üçün imkanlar yoxdur", - deputat noyabrın 26-da  Milli Məclisdə "Azərbaycan Respublikasının 2025-ci il dövlət büdcəsi haqqında” qanun layihəsinin müzakirəsi zamanı bildirib.  

 

Deputat həmçinin Nardaranda sağlamlıq mərkəzində bir sıra vakant yerlərinin boş olması səbəbindən xəstələrin əziyyət çəkdiyini diqqətə çatdıraraq ora həkimlərin təyin olunmasını diqqətə çatdırıb. 

 

Gülnar Nazimqızı